حروف اسمي
هي هي نفس الحروف
مترصصه في
نفس الصفوف
لكنها بتتحول كده
لكهرمان
لولي و مرجان
لما بتنده
حبيبي اسمى
وأنت كده فيه ولهان
ياااااه...كنت فين
من زمان؟؟
حروف اسمي
من زمان عارفاها
من زمان حفظاها
لكنها فجأه كده
تبقى كده
متجددة
تجبني..تاخدني
لأبعد مكان
علشان شفايفك
حضنت حروفي
وآه يا خوفي
لما بتخلص
حروف اسمي
و تنده باسمي
!!و تبتسملي كمان
اسمي كده
جبته كده
!و قلبته كده
متأكده
أنه بيتفجر
بيتغير
لما بيعزف
قلبك أصواته
على مقاماته
بيصبح هديه
أحلى سيمفونيه
تهديها لودنى
و قلبي و عقلي
كمان و كمان
ياااااه كنت فين من زمان؟؟
جميلة جداااااا
ReplyDeleteسلمت يُمناكى
:) :) الله يعزك و يباركلك
Deleteشكرااااااا
يا حنين :)
ReplyDeleteشويه دلع بقى :) :)
Deleteتصدقي حببتي الواحد في اسمه :) :) بس فين اللي ينده بقىىىىىىىىىى
ReplyDeleteهيجى يا ايمو هيجى :) نصيب و مكتوب
Deleteو ان شاء الله تسمعى اسمك كانك ما سمعتهوش قبل كده :) :)
روعه روعه رووووووووعه
ReplyDelete:) :) شكرااااا
Delete