أحلى شتات..

بيني و بينك...

بحور....صخور... 

و كثير من المسافات .

علشان أكونلك 

هنتحدى كثير و كثير...

و هتعصرنا مشاكلنا...

تتوهنا فى أصعب المتاهات.

حاولت أنساك..

لكن بالقاك..

جوا قلبي فى زاويه منه..

بتخطفني بقوة ..

من كل الأزمات.

مش عارفه ايه المصير..

ولا ايه ممكن يصير..

لكن عارفه أنا أكيد..

قريب أنت ولا بعيد..

بتسمعني ..بتلمسني..بتهمسلي..

في كل آهه من الآهات.

عشقك ما بقاش خيار..

ولا في يوم هاعرف أختار..

بين حلم بيتنفس بيك..

وواقع مش ملك ايديك..

و هافضل كده متفتته

فى أحلى شتات !